DansiDans fagnaði eins árs afmæli í kyrrþey í gær en fyrsta færslan á þessari síðu fór upp 25. nóvember 2008. Síðan þá hafa svo dottið inn 156 færslur í 21 flokka með 494 töggum og gestir síðunnar hafa skilið eftir 518 athugasemdir (þar af 8 spam). Gestafjöldin hleypur á tugum þúsunda á árinu og eru vinsælustu færslurnar um væntanlega svínaplötu Matthew Herbert og Oculus hlaðvarpið. Annars eru 8 hlutar komnir í hlaðvarpið okkar, hvor öðrum betri og sennilega sá hluti síðunar sem ég persónulega er ánægðastur með. Ef miða má við viðbrögð áskrifenda og annnarra eru fleiri sáttir við DansiDans hlaðvarpið. Fylgist vel með því í vændum eru fjölbreytt og stórskemmtileg mix frá nokkrum af skemmtilegri snúðum lýðveldisins.
Annars er DansiDans skilgetið afkvæmi og hugmynd Magnúsar Felix, en honum þótti vöntun á vitrænni umfjöllun um rafræna danstónlist á Íslandi. Hér hefur verið gerð tilraun til þess að fylla í það skarð með skrifum og ábendingum Magnúsar og annarra vel valinna aðila. Við þökkum fínar móttökur og vonum að þið fylgist áfram með DansiDans.com því við höldum ótrauðir áfram. Ábendingar um efni og umfjallanir eru að vanda vel þegnar og sömuleiðis hlekkir á síðuna og athugasemdir á einstakar færslur.
Karl Tryggvason | ktryggvason@gmail.com
18 responses so far ↓
Matthías Skjöldur // nóvember 26, 2009 kl. 1:52 pm
Til hamingju með afmælið
Jonfri // nóvember 26, 2009 kl. 3:46 pm
Engin Kaka?
Kannski er hann upptekinn með Real.
Halli // nóvember 26, 2009 kl. 4:47 pm
Til hamingju með afmæli. Dansidans á lof skilið fyrir frábæra umfjöllun um raftónlist og það sem henni tengist. Hvernig væri að setja upp forums ? hugi.is/danstónlist er í heljargreipum þursa og mér finnst vanta góðan grundvöll fyrir umræðu. breakbeat.is eru auðvitað með forums en þar er einblínt á breakbeat.
Einar // nóvember 26, 2009 kl. 5:04 pm
Til hamingju með afmælið, frábært framtak !
Sammála Halla með forums, held það gæti verið skemmtilegt.
ég þakka fyrir mig !
magnusfelix // nóvember 26, 2009 kl. 6:54 pm
Já við höfum verið að spá í að opna spjallborð
Alli // nóvember 26, 2009 kl. 10:19 pm
Til hamingju með afmælið!
Mér lýst vel á spjallborð! Þykir þó að þið ættuð að setja upp spjallborð sem að maður þarf að logga sig inn á mínútu fresti… bara svona til að halda í gamla góða fílingin!
Bjarni Rafn // nóvember 26, 2009 kl. 11:16 pm
Til hammó me ammó :***
Óli Ofur // nóvember 27, 2009 kl. 2:03 am
til hamingju..
mér finnst að það ætti að vera dansidans síða allavega einusinni í mánuði í t.d. fréttablaði til að koma vitrænni umræðu fyrir sjónir almennings.
steinar // nóvember 27, 2009 kl. 8:20 am
geðveikt…
Að halda afmæli í kyrrþey…. til hamingju!!!!
Kalli // nóvember 27, 2009 kl. 9:04 am
það er kannski ráð að skoða DansiDans spjallsíðu, það var alltaf stefnan í upphafi. (Auðvitað er allt smekklegt spjall velkomið á Breakbeat.is/kjaftaedid líka
@óli ofur: Almenningur hefur ekkert vit á vitrænni umræðu!
ingvi // nóvember 27, 2009 kl. 9:53 am
Til hamingju með afmælið og takk fyrir mig
Óli Ofur // nóvember 27, 2009 kl. 10:47 am
alla daga væri ég frekar til í að almenningur verði vitni að því sem hér fer fram frekar en t.d. plöggi frá agent.is, flass, techno.is eða superman..
þ.e. umræða um dansmúsík á frá öðru sjónarhorni en sjónarhorni djammaranns, dansmúsík er líka fyrir fólk sem hefur áhuga á músíkinni fyrst og fremst.
Þórður // nóvember 27, 2009 kl. 5:21 pm
AMEN Óli!
en annars til hamingju með afmælið dansidans, búinn að vera mjög sáttur með þetta
Keep it up!
leopoldkristjansson // nóvember 27, 2009 kl. 9:34 pm
Búið að vera skemmtilegt eitt ár!
Kári // nóvember 28, 2009 kl. 2:42 am
Til hamingju og takk fyrir mig, mjög skemmtilegar lesningar hér alltaf!
en já, spjallborð væru uberschwít að mínu mati
Tjörvi // nóvember 28, 2009 kl. 11:48 pm
til hamingju, dansidans datt fljótlega í “daglegan internet rúntinn” hjá mér. Takk fyrir mig.
Árni // nóvember 29, 2009 kl. 4:32 pm
tek undir hugmynd óla ofur..
hamingju með afmælið
Jeff // desember 1, 2009 kl. 12:17 pm
Takk fyrir mig!