Tag Archives: Resident Advisor

RA Real Scenes

Resident Advisor vefritið hefur ásamt fataframleiðandanum Bench ráðist í heimildamyndagerð. Undir nafninu „Real Scenes“ hefur RA hingað til birt þrjár stuttar myndir, en í hverri þeirra er raf- og danstónlistarsena einnar borgar tekinn fyrir. RA ræðst ekki á garðinn þar sem hann er lægstur og voru Bristol, Berlín og Detroit fyrstu viðfangsefnin. Nú er eflaust erfitt að gera svona risum góð skil í stuttri mynd  en myndirnar eru engu að síður forvitnilegar og skemmtilegar áhorfs og gefa smá innsýn í þessar borgir og fólkið sem byggir þær. Við mælum með þessu.

Ársuppgjör 2009

Það er komin árslistatíð (og þar að auki áratugalistatíð…). Hér eru linkar á uppgjör nokkura vefmiðla í danstónlistargeiranum:

Resident Advisor
dubstepforum tilnefningar
Fact Magazine
Boomkat

Einhvern vegin er það svo hefðin á íslandi að gera tónlistarárið upp á nýja árinu (amk í dansgeiranum). Árslisti Breakbeat.is verður á sínum stað í janúar (og býst við því að sama sé upp á teningnum hjá PZ og fleirum). Hins vegar ekki seinna vænna að fara að pæla í þessu.  Hvað stóð upp úr hjá ykkur? Listamenn ársins? Breiðskífur ársins? Lög / smáskífur ársins? Tjútt ársins? Endilega segið frá í athugasemdunum.

100 bestu plötusnúðar ársins að mati RA

Veftímaritið Resident Advisor birti í dag listann sinn yfir 100 bestu plötusnúða heims. Þessi listi er mun skemmtilegri og fjölbreyttari heldur en listi DjMag þó svo að úrslitin séu full fyrirsjáanleg. Ég ætla ekki að segja frá úrslitum en mæli með að fólk kíkji á listann sem má finna hér.

Syrpu Syrpa

Hér eru nokkur mix sem mæla má með.

.

Ellen Allien setti saman mix fyrir Resident Advisor, skemmtileg blanda af hásteknóminimal-stöffi, gott grúv í gangi.

Fyrsti hlutinn í nýju podcasti frá Apple Pips útgáfunni kemur frá Ramadanman, virkilega fjölbreytt mix þar sem dubstep, grime og tribal funky house dót kemur við sögu. Að lokum má hér nálgast upptöku af fwd klúbbakvöldi þar sem dBridge spilar fínasta drömmenbeis.

Syrpu Syrpa #14

Fyrst langar benda á tvö podköst sem hafa verið fáránlega góð síðustu vikur. Írska Bodytonic batteríið stendur að skemmtilegri vefsíðu, klúbbakvöldum og öðru stússi, podkastið þeirra hefur verið spennó undanfarið með syrpur frá mönnum á borð við Daniel Wang, Dj Craze, Noze og Omar S algerlega áskriftarinnar virði. Það ætti kannski ekki að þurfa að benda lesendum þessarar síðu á Resident Advisor podcastið en við gerum það nú samt af því að tveir síðustu hlutar þess hafa verið ofsa spennó, í fyrsta lagi var DJ Koze með flotta og fjölbreytta syrpu og í öðru lagi er þar frábært live sett frá Surgeon, techno og dubstep bræðingur.

ra145-dj-koze

Að öðru leiti er rétt að velja íslenskt þessa vikuna. Mikið framboð af skemmtilegum syrpum frá íslenskum snúðum á veraldarvefnum. Árni Kristjáns gerði stórskemmtilegt boogie mix,  Jónfrí smellti í eina djúpa hús syrpu og Haukur úr fknhndsm er á öðruvísí húsnótum á blogginu sínu. Kári Hypno smellti svo fínu dubstep mixi á huga.

Að lokum ætla ég að plögga mitt eigið mix sem vitaskuld ber höfuð og herðar yfir öll hin mixin!

Syrpu Syrpa # 7

Þessa vikuna hjá Resident Advisor sér Rene Breitbarth um podcastið þeirra. Mixið hans er troðfullt af lögum frá hetjum ársins 2008 eins og Guillaume & The Coutu Dumonts og MyMy. Meiri upplýsingar um kauða, mixið og tracklista má finna hér

Í vikunni rakst ég síðan á afterhour mix frá Rozzo úr Mountain People. Þetta mix sem er tekið upp á Slutfunk sem ég veit ekki alveg hvað er ,groovar svakalega og pumpar um leið. Ég hef ekki fundið lagalista þannig ef einhver þekkir þessi lög endilega látið mig vita, mikið af stöffi í þessu mixi sem ég myndi vilja eignast.

Greg Wilson, sem er sennilega einn fyrsti „alvöru“ plötusnúður breta, var svo með Essential Mix um helgina, löngu komin tími á það. Greg þessi á merka sögu að baki og hann segir skemmtilega frá henni á vefsíðunni sinni, forvitnilegar greinar og frásagnir fyrir þá sem hafa áhuga á fyrstu árum raf- og danstónlistar. Mixið er í boogie funk edit fíling, mér finnst fyrri helmingurinn sérstaklega skemmtilegur. MP3 og lagalisti hér.

Ársuppgjör

Árslistabrjálæðið farið í fullan gang. Resident Advisor eru búnir að birta alla sína lista fyrir utan lagalistan sem kemur eflaust inn á næstu dögum. Kom svo sem ekki mikið á óvart hjá þeim þetta árið en Berghain/Ostgut Ton crewið er ótvíræður sigurvegari.

Berghain

Þeir vinna label ársins og eru með breiðskífu ársins (Shed – Shedding the Past) auk þess sem Prosumer & Murat Tepeli breiðskífan var í 11. sæti. Þá ratar Marcel Dettmann í 11. sæti í dj kosningunni sennilega að mestu leiti útaf Berghain mixdisknum sem hann setti saman en sá var kosin besta safnskífan. Fyrr í ár var svo Berghain/PanoramaBar kosinn besti klúbbur í heimi. Þessir Berlínarbúar eru að uppskera vel og næsta ár fer vel af stað með Ben Klock breiðskífu í jan/feb.

Ricardo Villalobos er besti plötusnúðurinn í heiminum skv. notendum Resident Advisor. Kom engum á óvart en fannst eiginlega skrítið að það væri ekki meiri vídd í listanum miðað við allan þann fjölda sem kaus.

Beatportal fá valinkunna listamenn úr hverjum geira til þess að gera upp árið og eru svo með sína eigin lista líka. Bæði breiðskífu og smáskífulistinn þeirra fara eiginlega bara undir house & techno, ekkert dubstep? dnb? trance?

Þá eru Fact með öllu víðari lista, breiðskífu- og lagalista og svo eru Little White Earbuds með óhefðbundnari lista í gangi, gaman að renna yfir þá.

add to del.icio.us : Add to Blinkslist : add to furl : Digg it : add to ma.gnolia : Stumble It! : add to simpy : seed the vine : : : TailRank : post to facebook