Plötublæti

Birt þann maí 1, 2012 by | 1 athugasemd

Nokkrir skemmtilegir linkar á skemmtilegt plötu tengt stöff. Fyrir vínyl perrana.

Dust and Grooves birtir forvitnileg viðtöl við alvöru diggera, flottar myndir af fallegum plötum sem eiga heima í flottum söfn og skemmtilegar sögur sem því tengjast. Góð lesning og þeir bjóða líka upp á góða tóna.

Dust and Grooves heimsækja King Britt

DJ Rooms er á tengdum slóðum en þeir birta myndir af hljóðverum og herbergjum plötusnúða.

Dj Rooms taka hús á Marcel Dettmann

Schallplatten og Vinyl Liebe  bloggin eru svo enn minimalískari en þau birta plötutengdar myndir sem ylja manni um hjartaræturnar.

Vinyl Liebe halda upp á Miles

Brunarústir hjá Fuck Yeah Schallplatten

1 athugasemd

Birt í linkar

Merkt , ,

Föstudagsflagarinn – Exos Survivor

Birt þann apríl 20, 2012 by | 1 athugasemd

Ustream býður fólki upp á að búa til eigin stöðvar og vera með beina útsendingu á netinu. Þetta er skemmtilegur miðill fyrir plötusnúða þar sem plötusnúðar geta streamað músik og mynd í beinni út á internetinu. Þeir sem fylgjast með geta kommentað og átt í samræðum við plötusnúðinn um hvað hann er að spila. Einnig finnst mér alltaf gaman að geta fylgst með plötusnúðum þegar þeir eru að spila.

Nokkir íslenski plötusnúðar nýta sér þetta þar á meðal strákarni sem standa bakvið Kviksynða kvöldin og Dj Kalli. Um páskana datt ég inná beina útsendingu hjá þeim félögum í Kviksynða. Strákarnir voru að spila skemmtilegt teknó og eitt lagið höfðaði sérstaklega til mín.

Ég ráðfærði mig við klárari menn og brá heldur í brún þegar ég komst að því að þetta væri íslenskt. En þetta var lagið Survior eftir Arnvið Snorrason sem er líklega betur þekktur sem Exos.  Exos var ansi duglegur að senda frá sér tónlist í byrjun síðasta áratugs og spilaði einnig víða um heim. Lagið Survivor, sem er af plötunni Strength sem kom út á Force Inc 2001, byggist á einföldum fallegum hljómum yfir frekar „straight out“ techno takti. Nú er ég búinn að renna margoft yfir lagið síðustu vikur enda virkar það vel um eftirmiðdaginn með kaffinu. Ímynda mér þó að það myndi líka virka mjög vel á dansgólfinu.

[youtube:http://www.youtube.com/watch?v=_MCj5thzHRg%5D
Ég hvet unga danstónlistarunnendur til þess að kynna sér eldir íslenska danstónlist ef þeir hafa ekki gert það. Thule Records er ágætis byrjunarreitur.

1 athugasemd

Birt í Föstudagsteknó

Merkt , , ,

The Joy of Disco

Birt þann mars 13, 2012 by | Skrá ummæli

The Joy of Disco er skemmtileg heimildarmynd um diskótónlist frá BBC. Það er farið hratt yfir sögu enda komið víða við en þetta er góður inngangur að diskóinu, uppruna þess, endalokum og arfðleið, frá neðanjarðar stöffi yfir í argasta popp. Margir merkilegir viðmælendur  t.d. David Mancuso og Nicky Siano.

Mæli með þessari mynd fyrir alla diskótekara og áhugafólk um danstónlist. Eins og vitur maður sagði eitt sinn, „ef þú fílar techno en ekki diskó, þá fílarðu ekki techno“.

Skrá ummæli

Birt í video

Merkt , , , , , ,

Föstudagsflagarinn – Iz and Diz Mouth(Pépé Bradock rmx)

Birt þann mars 2, 2012 by | 1 athugasemd

Pépé Bradock er einn af mínum uppáhalds.  Það hefur ekki farið mikið fyrir honum síðan hann gaf út bombuna Path of Most Resistance fyrir tveimur árum síðan. Sama ár gaf hann út safnplötuna Confiote De Bits. Sú plata inniheldur remix sem hann hefur gert í gegnum tíðina og á henni er meðal annars að finna remixið hans af Mouth eftir Iz & Diz.

[youtube:http://www.youtube.com/watch?v=HMwC5sB0aYg%5D

Lagið samanstendur af munnhljóðum og kemur nafni líklega þaðan. Að vana gerir Pépé Bradock að sama og allir að bara aðeins betur; hrátt vibe, gott groove og laglína fær mann til syngja með.

1 athugasemd

Birt í Uncategorized

Merkt ,

Mynd

DansiDans Hlaðvarp #15- Karíus & Baktus

dansidans_hladvarp_15
DansiDans Hlaðvarp #15 – Karíus & Baktus

Minimal töffararnir Karíus og Baktus, einnig þekktir sem Raffi og Heimir, hafa verið virkir í íslensku klúbbalífi síðastliðinn ár. Þeir hafa skipulagt ýmis kvöld og eru hluti af Reyk Veek crewinu. Strákanir hafa einnnig farið í útrás og spilað í hinum ýmsu partýjum víðsvegar um heiminn meðal annars Barcelona og Færeyjum.

Syrpa þeirra félaga er rúmlega 100 mínutna blanda af eðal HouseTechMinimali enda kominn tími til.

Þú getur náð í syrpuna hér og gerst áskrifandi að hlaðvarpinu okkar hér.

1. Hvernig er syrpan sett saman? Einhverjar pælingar eða þema?
Okkar hefðbunda setup..1 mixer og 3 CDjs. Þetta er edit úr 150 mínútna upptöku sem er góð blanda af nýju stöffi og gömlu, engin pæling bakvið nema það að spila lög sem passa saman og taka flæðið aðeins lengra…

 2. Hvað eruði annars að bralla þessa dagana?
Við erum á fullu, líkt og undanfarna mánuðina, að vinna í REYKVEEK. Höfum lítið verið að spila eða semja í studioinu en það fer að koma meiri kraftur í okkur með vorinu.

3. Hvernig finnst ykkur “senan” á Íslandi?
Rétt eftir hrun varð maður mjög svartsýnn – mikið af góðum stöðum sem lokuðu eða breyttust í eitthvað allt annað en það sem þeir höfðu verið, og því fylgdi almennt „apathy“ í senunni.

Undanfarið árið eða svo fóru hlutirnir aftur í gang og það er mjög gaman og jákvætt að sjá hversu mikið af ungu liði er að taka upp boltan og mixerinn. Fólk er loksins að átta sig á því að það gerist ekkert nema að maður vaði sjálfur úti laugina, hvort sem það er að DJa, halda partý, promota ofl. Það er líka mjög gott að sjá skemmtistaðina pæla mikið í þessum málum, gefa fólkinu séns á að búa til gott partý ef conceptið og framkvæmdin er til staðar.

4. Hvað fíliði?
Classic house og miðjarðarhafs stemmningu og menningu… og Jorge González

5. Linkar / Plögg / Lokaorð?
Klúbbur er kirkja trúleysingjans.
Takið frá seinustu helgina í mars. Fylgist með á http://www.facebook.com/l/sAQECAjMZAQF23_66TNY8vmmLFy8t83YaGAjeOKj1m3ZbKw/
www.reykveek.com

Lagalisti:
1.Phylyps Trak II/II – Basic Channel
2.Yemsa (Fabrizio Maurizi Remix) – Alexkid
3.Its Lover Love (Kiki Emotional mix) – Aerea Negrot
4.Maccaja (SM remix) – Lula Circus
5.Mood night – Amir
6.Future (Kenny Larkin Tension Mix) – Kevin Saunderson Feat Inner City
7.Pumpin Groovin – Lula Circus
8.Jazz Snake – Zeitgeist
9.Gajey – Premiesku
10.Cocua – Uner
11.Together – Tiger Stripes
12.The Sound (2011 edit) – Reese & Antonio
13.Luv Cant hurt (Nebraska 86 mix) – Salvatore Freda
14.Daddy – Reboot
15.Tamala – Sis
16.Pallene – Uner
17.Hands up – Samuel Dan
18.Love in me (Maceo Plex remix) – Laura Jones
19.Café Del Mar (Ricardo Villalobos Remix) – Energy 52
20.Home (Kollektiv Turmstrasse – Interstellar Mix) – M.A.N.D.Y. & Booka Shade
21.So long – Larse
22.Polka Dot Dress – Audiojack

DansiDans þakkar Sigga kærlega fyrir artworkið fyrir þetta hlaðvarp.

1 athugasemd

Birt þann febrúar 21, 2012 by í Podcast

Plötusnúðamannasiðir

Birt þann febrúar 19, 2012 by | 10 Ummæli

Eins og margar aðrar stéttir aumka plötusnúðar sér oft yfir skilningsleysi viðskiptavina sinna (þ.e. skemmtistaðagesta og eigenda), þannig er algengt að sjá lista yfir kjánalegar og kaldhæðnislegar óskalagabeiðnir, kvartanir yfir aðstæðum og tækjabúnaði og kveinstafi yfir smekkleysi áheyrenda svo fátt eitt sé nefnt. Núna síðustu daga hefur eftirfarandi myndband t.d. gengið um veraldarvefinn og plötusnúðar tekið undir í kór:

Þá hefur einnig hlakkað í mörgum plötusnúðnum yfir þessu skemmtilega bloggi.

Atriði sem er þó sjaldnar talað um eru mannasiðir plötusnúðanna sjálfra, gagnvart crowdinu, hvor öðrum og sjálfum sér. Hér er smá listi yfir atriði sem mér finnst að dj’ar ættu að hafa á hreinu, endilega bætið við eða andmælið þessum pælingum í commentunum.

  • Plötusnúðar mæta með sín eigin headphone og eigin nálar (ef þeir spila vínyl). Ef þú vilt fá að nota slíkar græjur annarra plötusnúða á undan ættirðu að sjálfsögðu að spyrja um leyfi, ekki gera ráð fyrir því og ekki endilega búast við því að allir segi já.
  • Ef þú varst að fá þér nýja (Apple) tölvu og ert að nota hana til dj mennsku – farðu þá í System Preferences -> Sound -> og afhakaðu „Play feedback when volume is changed“ möguleikann.
  • Ef þú ert að spila illa fengna tónlist eftir aðra opinberlega ertu semi-drullusokkur, ef þú ert að spila illa fengna tónlist eftir aðra opinberlega og fá borgað fyrir það ertu fáviti.
  • Ég er sjálfur með handónýtt eyru og hef andmælt wav-snobbi í óöryggiskennd minni, en allt minna en 256 kbps mp3 er algert no no (64kbps grime rip úr sjóræningjaútvarpi er þó leyfilegt) og nei, youtube rippið þitt er ekki „í fínum gæðum“.
  • Hafðu smá tilfinningu fyrir því hvar þú ert að spila og við hvaða aðstæður. Ertu headliner á stórum viðburði sem var auglýstur vel og fólk borgaði fyrir eða ertu nafnlaust flón sem var hent út í horn til þess að spila tónlist fyrir drukkið fólk? Hverjar eru áherslurnar almennt á staðnum sem þú ert staddur á? Spilamennskunni, attitjúdi og tónlistarvali ætti að haga í samræmi við hvar þú ert staddur á svona skala.
  • Þegar þú ert að spila þá ertu að spila. Þú þarft ekki að fara á Facebook þótt það sé frítt wi-fi og að forritið sjái um að mixa fyrir þig. Þú átt heldur ekki að vera í símanum.
  • Ekki verða (of) fullur.
  • Ekki biðja aðra plötusnúða um að fá að „taka eina skiptingu“.

Ég er sjálfur sekur um margt hér að ofan, síðasta punktin braut ég t.d. bara um daginn (reyndar með örlítið meiri fyrirvara). En batnandi mönnum er best að lifa og mér finnst að maður ætti að hafa þetta í huga. Umboðsmaður plötusnúða gæti svo einbeitt sér að því að lögfesta ofantöld atriði.

Karl Tryggvason | ktryggvason@gmail.com

10 Ummæli

Birt í Uncategorized

Merkt , ,

Bitwig Studio

Birt þann febrúar 10, 2012 by | 1 athugasemd

Langaði að benda fólki á fyrirtækið Bitwig sem er að þróa nýja Stafræna Hljóðvinnslustöð (DAW). Bitwig Studio mun bjóða uppá mikið af spennandi möguleikum eins og t.d. multi-user music production og native modular system.

[youtube:http://www.youtube.com/watch?v=7V_t8GfH-v4%5D

Í fyrstu sín minnir Bitwig mann svolítið á Ableton og ganga sögur á spjallborðum að stofnandinn sé fyrrverandi starfsmaður þar og spá ákærum. Ég vona að þetta komu út þar sem DAW markaðurinn er frekar staðnaður þ.e.a.s flestir nota sömu vöruna og gæti svona Bitwig komið smá hreyfingu á hlutina.

1 athugasemd

Birt í linkar

Merkt , ,

Plötubúðarýni: Hard Wax

Birt þann febrúar 3, 2012 by | 5 Ummæli

Hin goðsagnakennda Hard wax(eða Cardwax eins og Biggi í Maus kallaði hana) er staðsett í Kreuzberg Berlín. Það er ákveðinn upplifun að fara í búðina þar sem hún er staðsett í miðju íbúðarhúsnæði, sjálfur hélt ég að félagar mínir ætluðu að kaupa byssur eða eiturlyf þegar þeir sýndu mér búðina í fyrsta sinn.

Ef maður er ekki í Berlín er hægt samt hægt að versla við Hard Wax í gegnum netið(Hardwax.com). Í þessari plötubúðarýni ætla ég að fjalla um kosti og galla netverslunar Hard Wax. Athugasemdir, ábendingar og frekari umræða í athugasemdakerfinu væri vel þegin.

Kostir:

Sendigar- tími og kostnaður
Hard Wax notast við UPS og er því sendingartími(á meginlandinu) mjög stuttur. Ég hef fengið plötur frá þeim í hendurnar aðeins tveim dögum eftir að ég pantaði þær. Þrátt fyrir þennan hraða er kostnaðurinn við sendinguna ekki svo hár en hægt er fá allt að 100 plötur sendar fyrir aðeins 14 evrur.

Úrval
Hægt að finna allt frá glænýju dubstep-i yfir gamlar Trax útgáfur hjá Hard Wax. Þeir bjóða uppa rosaleg úrval af Detroit house og technoi sem mér hefur ekki tekist að finna annarstaðar. Svo er auðvitað alltaf til það nýjasta frá Shed/Wax/EQD og SoundStream sem er oftast „must“.  Hard Wax hefur þó alltaf verið þekkt fyrir gott úrval af techno-i.

Tóndæmi og lýsingar
Á öllum plötum bjóða Hard Wax upp á tóndæmi og stutta lýsingu. Spilarinn er einfaldur „klick and play“ og lýsingar á plötunum eru oft skemmtilegar. Margur plötusnúðurinn hefur minnst á mikilvægi TIP sem starfsfólk notar til að bendar á plötur sem þeim þykir góðar.

Flokkunin
Viðmót síðunnar minnir mann svolítið á alvöru plötubúð og að browsa í gegnum flokkana og allt sem maður sér og hlustar á er til. Flokkunin stefnum er einföld og smá rakka fílingur í það að renna niður síðurnar.

Gallar:

Engin Óskalistar eða Spilalistar
Hard Wax býður manni ekki að fá áminningu þegar útgáfa eða listamaður gefur út plötu. Ekki er hægt að skoða plötur sem ekki eru uppseldar og biðja um að fá áminningu ef og þegar þær koma aftur. Þá er heldur ekki hægt að búa til spilalista úr tóndæmum, heldur verður maður sífellt að vera velja ný lög. Þetta hefur svolítil áhrif á hvernig maður verslar.

Engin Topplistar
Margar síður, t.d. Juno og Beatport, fá dj-a til að búa til topp 10 lista fyrir sig. Kostir og gallar þess eru reyna efni í grein útaf fyrir sig, en í stuttu máli geta þannig listar hjálpað manni að uppgötva nýja tónlist.

Niðurstaða:

Hard Wax  nýtir sér ekki alla kosti þess að vera með verslun á netinu en tekst þó að gera plötukaup í gegnum netið aðeins öðruvísi og persónulegri. Þjónustan er fín og sendingartíminn stuttur. Margt finnur maður þó ekki í Hard Wax en ef hart techno er það sem maður er að leita af þarf maður ekki að leita lengra.

5 Ummæli

Birt í Plötubúðarýni

Merkt , , , , ,

Föstudagsflagarinn – C2C4 Specimen 4

Birt þann janúar 27, 2012 by | 3 Ummæli

Föstudagsflagarinn að þessu sinn er re-edit af Hit & Run með Loleatta Holloway. Lagið er re-editað af C2C4 sem er betur þekktur sem Carl Craig. Hann gaf út tvær 12″ undir þessu nafni og eru öll lögin á 12″ re-edit og heita Specimen #

Specimen 4 er mitt uppáhalds af þessum lögum. Ég heyrði það fyrst í Resident Advisor mixi Íslandsvinarins Motor City Drum Ensemble, ef þú hefur ekki heyrt það mix, mæli ég með að þú tékkir á því. Hin kynþokkafulla rödd Lolettu Holloway heldur manni við efni á meðan groovið í bassanum fær mann til að gretta andlitið(elska þegar slíkt gerist).

Platan er frá 2004 og er því erfitt að finna hana í plötubúðum. Á discogs er hún frekar dýr, en í augnablikinu er ódýrasta eintakið á 21 evru.

Góða helgi
Magnús Felix

3 Ummæli

Birt í Föstudagsteknó

Merkt , , ,

Árslisti 2011 – Karl Tryggvason

Birt þann janúar 20, 2012 by | 3 Ummæli

Þegar ég birti 2010 árslistan minn fagnaði ég því hversu fjölbreytt og opin danstónlistin væri orðin. Þegar leið á árið 2011 og ekki voru farnar að myndast nýjar spennandi senur, stefnur eða sánd fór ég að efast um að þetta væri gott að öllu leiti. Frelsið er auðvitað yndislegt en maður getur líka orðið því að bráð, plötusnúða sett verða stefnulaus og listamenn missa fókusinn og hvatninguna sem fylgir því að starfa í öflugri og samheldri senu (finnst ég sjálfur sekur um hið fyrrnefnda á árinu). Það verður spennandi að fylgjast með framvindunni enn ég er ekki jafn viss um ágæti þessarar óvissu.

Þó er auðvitað ennþá verið að gera fullt af góðri tónlist eins og ráða má af listanum hér að neðan. En ég held að það sé ekki bara á mínum bæ þar sem svona fjölbreyttir en um leið sundurslitnir listar líta dagsins ljós. Á nýja árinu er ég einna helst spenntur fyrir þeirri grósku sem er að verða til á 140-160 bpm bilinu, juke, jungle, hip hop og dubstep er þar að mætast í frjósömum jarðvegi, vona að nýjar og öflugar stefnur festi þar rætur.

Árslisti 2011 – Karl Tryggvason

1. Blawan – Getting Me Down (White)
Maður heyrði fyrst af Blawan árið 2010 þegar hann gaf út 12” á Hessle Audio, þótt sú skífa hafi verið ansi góð gaf hún ekki vísbendingar um hversu rosalegt árið 2011 yrði hjá kappanum. Blawan hefur myndað nýtt og einstakt sánd, drífandi techno músík með uk bassa fílíng. Hljóðheimurinn er drungalegur en með drifkraft sem grípur mann ósjálfrátt, bassalínurnar og bassatrommurnar eru svo kapítuli út af fyrir sig. Þessi öflugi nýliði átti árið 2011, hann remixaði ótal listamenn, gaf út fjölmargar smáskífur og átti öflug dj sett. Í “Getting Me Down” virkar þetta sánd hans einna best, hér er harðneskjunni teflt á móti mýktinni, sundur skorinn söngrödd Brandy og þessi bassalína og þessar trommur. Maður tekur undir með Brandy, “I wanna be down”.

2. Teeth – Shawty (502)
Teeth hinn finnski er annar nýliði sem átti gott ár. “Shawty” er gott dæmi um sándið hans, rythmadrifið og naumhyggjukent með hip hop attitjúd. Killer lag.

3. Tyler the Creator – Yonkers (XL)
Eftir mikið umtal og hæp sendi forsprakki OFWGKTA frá sér sína fyrstu “hefðbundnu” plötu, á alvöru labeli og með alvöru dreyfingu. Fyrir mig var þessi skífa ákveðinn vonbrigði, stóðst fyrri afurðum Tyler ekki snúningin, en “Yonkers” er ótrúlega gott, flott flow yfir góðan takt, þarf ekki mikið meir.

4. Unknown – Sicko Cell (Swamp 81)
Óþekkti listamaðurinn sem er ekki svo óþekktur. Electrobassatryllir sem leið fyrir það hversu langan tíma tók að gefa það út, en það hreyfir ennþá dansgólf og vókal sömplin eru fljótt að grafa sig í undirmeðvitundina þegar lagið ratar á fón. “I’m the information”.

5. James Blake – Order / Pan (Hemlock)
Á sinni fyrstu breiðskífu hélt James Blake áfram að tvinna saman melankólíska söngva og bassamúsík. Þeir straumar voru mér ekki að skapi en síðar á árinu rataði þessi rosalega 12” í verslanir undir merkjum Hemlock. Báðar hliðarnar eru ótrúlegar, sérstök sýn Blake á dubstep og aðra bassatóna kristallast í þessum lögum.

6. Cos-Ber-Zam – Ne Noya (Daphni Mix) / Daphni – Yes, I Know (Jiaolong)
Með “Sun” varð Caribou allt í einu að danstónlistar pródúsent og á árinu 2011 sýndi hann að honum er margt til lista lagt á því sviði. Með stórkostlegum dj mixum og frábærum 12” og remixum gerði hann góða hluti á árinu. Undir nafninu Daphni sendi hann frá sér lög með sérstakt sánd og sýndi áhugaverða nálgun á dansmúsík. Það var erfitt að velja titla á listann, en “Ne Noya” og “Yes I know” varð á endanum ofan á.

7. Boddika – Soul What (Swamp 81)
Instra:mental liðar voru afkastamiklir á árinu, saman og hvor í sínu lagi. “2727” ep Boddika stóð þó upp úr, hvert lagið öðru betra og ekki veikan blett að finna þar. “Soul What” stendur þó upp úr enda er ég svag fyrir vókal og syntha notkun af þessu tagi.

8. DJ Rum – Mountains (2nd Drop)
Mountains er metnaðarfullt verk í þremur hlutum, spannar ólík tempó, stefnur og strauma. Ótrúlega skemmtilegt áheyrnar og mikið ferðalag. Kemur m.a. inn á sánd sem ég er mjög spenntur fyrir þessa dagana, 150-160 bpm dansimúsík.

9. Cadenza – The Darkest Hype (Philip D. Kick Remix)(Dummy Mag)
Snemma árs fór að bera á juke remixum af jungle slögurum frá 10. áratug síðustu aldar. Hin dularfulli Philip D. Kick (trúi ekki að þetta nafn hafi ekki verið notað áður) stóð á bakvið mikið af þeim, þar birtist bresk útgáfa af þessu bandaríska sándi sem að mínu mati gefur frumútgáfunni ekkert eftir. Sumir djönglistar hneyksluðust yfir þessu, líta á þessi lög sem heilög og ósnertanleg en gleyma að mörg þeirra eru ósvífin í sömplum og áhrifavöldum sjálf. Í “The Darkest Hype” er Philip D. Kick í svipuðum fíling en að remixa nýtt lag. Mörg þekkt hip hop og danstónlistarminni hér á ferð, glettilega vel framsett.

10. Dub Phizix & Skeptikal – Marka feat. Strategy (Exit)
Dub Phizix klárlega nýliði ársins í drum & bass geiranum. Í “Marka” smíða hann og Skeptikal takta undir mannalæti Strategy. Öflugur dansgólfatryllir.

11. Blawan – Vibe Decorium / What You Do With What You Have (R&S)
12. Pangaea – Hex (Hessle Audio)
13. DJ Spinn – LOL (Planet Mu)
14. AraabMuzik – Make it Happen / AT2 (Duke)
15. Jamie Woon – Night Air (Polydor)
16. Emptyset – Function (Subtext)
17. Shackleton – Deadman (Honest Jon’s)
18. Cornelia – Aquarius Dreams (DVAs Hi:Emotions mix) (Camp Mozart)
19. Hudson Mohawke – CBat / All For Love (Warp)
20. Rustie – Ultra Thizz (Warp)

21. Hype Williams – The Throning (Destijl)
22. John Maus – Hey Moon (Upset! The Rhythm)
23. Ital Tek – Cobalt (Planet Mu)
24. Photek – Closer (Pinch Remix) (Tectonic)
25. The Weeknd – What You Need / The Morning (Self Released)
26. Peverelist – Sun Dance (Hessle Audio)
27. Chris Brown feat. Lil Wayne & Busta Rhymes – Look at Me Now (Jive)
28. Floating Points – Arp 3 (Eglo)
29. Steffi – Sadness / Yours (Ostgut Ton)
30. Julio Bashmore – Battle for the Middle of You (PMR)

31. Bal – All City (Dispatch)
32. Instra:mental – When I Dip (Nonplus)
33. Hardrive – Deep Inside (Pearson Sound Refix)(Night Slugs)
34. S-X – Woo (Butterz)
35. SBTRKT – Ready Set Loop (SBTRKT)
36. Bok Bok – Hyperpass (Night Slugs)
37. A Made Up Sound – Take the Plunge (A Made Up Sound)
38. Thundercat – Is it Love? (Brainfeeder)
39. Switch feat. Andrea Martin – I Still Love You (Dubsided)
40. Jessie Ware + Sampha – Valentine (Young Turks)

Breiðskífur:
1. Kuedo – Severant (Planet Mu)
2. Pinch & Shackleton – Pinch & Shackleton (Honest Jon’s)
3. LFO – Frequencies (Warp) (Re release)
4. Sully – Carrier (Keysound)
5. Ýmsir – 116 & Rising (Hessle Audio)
6. Zomby – Dedication (4 Ad)
7. Oneohtrix Point Never – Replica (Software)
8. Andy Stott – Passed Me By (Modern Love)
9. Phillip D. Kick – Footwork Jungle Vol.1, 2 & 3 (Bootleg / MP3)
10. The Weeknd – House of Baloons (Self Released)

Label:
1. Planet Mu
2. Swamp 81
3. Rush Hour
4. R&S
5. Critical
6. Nonplus
7. Honest Jon’s
8. Shogun Audio
9. Brainfeeder
10. Soul Jazz

3 Ummæli

Birt í listar