20 ára afmælispakki frá Warp

Við höfum áður sagt frá afmælisfagnaði Warp útgáfunnar sem verður 20 ára í ár. Nú hafa Warp liðar svipt hulunni af rosalegum afmælispakka sem þeir hyggjast gefa út undir nafninu Warp 20.

Á upphafsárum sínum gaf Warp fyrst og fremst út acid house t.d. frá mönnum á borð við LFO og Forgemasters. Smám saman breytti útgáfan um stefnu, varð leiðandi merki í tilraunakenndri raftónlist og voru listamenn eins og Aphex Twin, Autechre, Boards of Canada, Squarepusher og Jimi Tenor á hennar snærum. Warp hefur haldið áfram að þróast og þroskast og á undanförnum árum hafa listamenn eins og Flying Lotus, Hudson Mohawke, Jamie Lidell og Battles gefið út undir merkjum þessara goðsagnakenndu útgáfu.

Með þessa miklu og merkilegu sögu að baki var við því við miklu að búast af 20 ára afmælispakka og stendur hann heldur betur undir væntingum. Warp 20 samanstendur af bók yfir allar útgáfur Warp frá árinu 1989, tveimur 10 laga „best of Warp“ diskum, Steve Beckett stofnandi Warp valdi lögin á annan þeirra en  kosið var um lagalistan á hinum af aðdáendum útgáfunnar, tvöfaldur diskur með þar sem Warp listamenn „covera“ lög eftir aðra Warp listamenn, þreföld 10″  af óútgefnu efni ásamt loop-um og re-editum bæði á vinyl og cd. Nánari upplýsingar og forpantanir á þessum pakka hér