Flokkaskipt greinasafn: Rúntur

Myspace Rúntur#3

Enn einn Myspace rúnturinn, þar sem Dansidans bendir ykkur á upprennandi hæfileikafólk. Að þessu sinni erum við í drum & bass og dubstep fíling.

Joy Orbison
Í fyrsta lagi er Joy Orbison með ótrúlega fyndið listamannsnafn og í öðru lagi gerir hann mjög skemmtilega tónlist. Plötusnúðurinn Skipple, sem lék á síðasta Breakbeat.is kvöldi,  benti mér fyrst á Orbison þennan enda er fyrsta útgáfa kauða signuð á Hotflush útgáfuna sem Skipple vinnur fyrir. Margir virðast þó vera spenntir fyrir kauða og menn eins og Blackdown og Gilles Peterson eru heitir fyrir tónsmíðum hans. Þá virðist Orbison líka vera skemmtilegur plötusnúður og hér má finna fyrirtaks mix úr herbúðum hans en hans eigin tónsmíðar má finna á myspace.com/joyorbison

Reactiv
Það var á fyrstu Dat Music safnskífunni sem maður heyrði fyrst af Reactiv og sá maður strax að þar var á ferðinni hæfileikaríkur tónlistarmaður. Á síðustu misserum hefur svo kauði heldur betur látið á sér kræla en hann stundar  nýstárlega synta-skotna taktaleikfimi. Vel þess virði að tjekka á nýlegum ep frá honum á hollenska útgáfufyrirtækinu Break-Fast Audio.
.

Escher?E?

Escher
Escher er annar drömmari með nýtt sánd í gömlum fíling. Lagasmíðar hans minna mig á Metalheadz, skemmtilegur broddur í sándinu hans og töff væb í gangi.

.

Muted

Muted
Síðast, en alls ekki síst, vil ég benda á íslenska sveita-strákinn Muted (aka Bjarni Rafn), eða undrið að austan eins og gárungarnir kalla Bjarna eftir að hann heillaði borgarbörnin upp úr skónum á Jacobsen um daginn. Bjarni elur manninn á Egilstöðum og semur draumkennda drum & bass tónlist sem hefur náð eyrum ýmissra spámanna. Sérstaklega er rétt að benda á „Izanami“ hugljúf og heillandi drömmen ballaða.

Auglýsingar

Myspace Rúntur #2

Ætla aftur að taka smá Myspace rúnt og benda á upprennandi tónlistarmenn. Í þetta sinn leitum við út fyrir landsteinana og er soldið elektrónískt hip hop / dubstep þema í gangi. Sumir þessara gæja eru vissulega búnir að gefa eitthvað út, en eru samt ekki á vitorði allra.

Afta-1 er Kalifornískur bítsmíður sem er að gera ansi skemmtilegt stuff. Þetta er í þessum Dilla / Madlib / Fly Lo fíling sem tröllríður öllu þessa dagana en þessi piltur býr sér til sitt eigið grúv úr áhrifavöldunum. Remixið hans af „Tiden Flyver“ finnst mér sérstaklega skemmtilegt. Andri Már fær þakkir fyrir að benda á þennan dúd.

Chris Coda átti tvö frábær lög á Dat Music 2 safnskífu Soul:R útgáfunnar. Vonandi pikkar einhver upp meira stöff frá honum því efnilegur er hann, tengir dubstep, dnb og hip hop saman á skemmtilegan hátt. Hef gaman af „Liminal“ og „Take a Walk“ auk þess sem „U142“ og „Heading North“ af fyrrnefndri safnskífu eru fyrirtak!

Skylab er Ný Sjálendingur sem er með aðeins funkaðara sánd. „Ay Hay“ er frambærilegt og „The Pull“ er líka gott. „Rolls Royce“ er hins vegar hrikalegt, minnir mig á ónefndan íslenskan rappara.

Svo fær rapparinn Self Sez link hér en hann var að gefa mp3 breiðskífu á netinu sem á ágætis spretti og fínustu pródúserar koma þar við sögu.

Karl Tryggvason | ktryggvason@gmail.com

Soundcloud/Myspace Rúntur#1

Ætla að setja í gang nýjan lið hér á síðunni sem ég hef gefið nafnið „Soundcloud/Myspace Rúntur“, ætlunin er að benda á tónlistarmenn (og soundcloud/myspace síður þeirra) sem eru að gera góða hluti án þess þó að vera komnir á samning eða eiga að baki margar útgáfur. Byrja á smá þjóðrembing og bendi á nokkra Íslendinga sem eru að gera skemmtilegt dót. Engan vegin tæmandi listi heldur bara nokkrir góðir sem ég mundi eftir í fljótu bragði í sunnudagsþynnku.

.

Republic of Noice

Republic of Noice eða bara Axel hefur fengist lengi við drum & bass músík, hef verið svo heppinn að fá lög frá honum endrum og einu sinni og haft gaman af. Honum hefur farið mikið fram að mínu mati og nýjustu lögin á síðunni hans eru með þétt og flott sánd og góðar pælingar. Hef sérstaklega gaman af  „Play that Tape“, „Face Me“ og „You Had it Commin'“, það síðast nefnda minnir mig soldið á Break. Skora á strákinn að senda þessi lög á valin label, þetta er efni sem á algerlega erindi í útgáfu!

.

Hypno

Hypno (sem hét áður Hypnotik að ég held og gengur einnig undir nafninu Kári) er ungur og efnilegur dubstep og hip hop pródúser. Remixið sem hann gerði af „God Bless the Child“ með dOP er skemmtilega spes, bassa fílið minnir mig á Kode9, beatið er í garage fíling og vókalinn er frábrugðin flestu sem maður hefur heyrt í dubstep áður. „To the grave“ er líka skemmtilegur wobbler.

.

Einum Of

Einum Of er líka ungur og upprenandi og er á svipuðum wobbl dansgólfa slóðum í sínum dubstep smíðum. Hljóðskrár frá honum hafa m.a. ratað til Breakbeat.is snúðanna og Gunni Ewok hefur ósjaldan sett „Ninja’s Step“ á fón, enda prýðilegt lag.  (Sé það þegar ég smelli mér á myspaceið hans að hann er kominn með digital útgáfu hjá Filthy Digital til hammó með það!)

.


Subminimal

Tjörvi semur músik sem Subminimal og gerir allskyns raftóna, iidéemm ahmbíent, döbstep og drömmenbeis og er það vel. Mínimalismi er kannski það sem tónsmíðar hans í hinum ýmsu geirum eiga sameiginlegt? Ég kann m.a. vel að meta „Lifir á því sem hann Segir“, dubstep slagari þar sem Erpur er á mæknum og „Delta One“ og „Logical“ sem eru dnb rollerar sem hafa ratað í cdj’a hjá mér. Gjafmildur og góðhjartaður er hann Tjörvi einnig og býður almenningi upp á 320 kbps mp3 af dub-techno laginu „Moving Headlights in an Empty City“ undir Creative Commons leyfi. Takk Tjörvi!

Látum þetta gott heita í bili, en það er af nógu að taka og vonandi munum við benda á fleiri skemmtilega og efnilega pródúsera innan og utan landsteinanna. Áhugasamir tónlistarmenn geta smellt mp3/wav í SoundCloud dropboxið okkar hérna til hægri.

Karl Tryggvason | ktryggvason@gmail.com