Greinasafn fyrir merki: mix

DansiDans Hlaðvarp #14 – Hypno

DansiDans Hlaðvarp #14 – Hypno

Fyrir tæpum þremur árum síðan bentum við lesendum dansidans.com á hinn unga og upprennandi Kára Guðmundson. Síðan þá hefur mikið vatn runnið til sjávar. Kári sem gengur líka undir nafninu Hypno hefur verið að gera það gott sem tónlistarmaður bæði hérlendis sem erlendis. Lög eftir hann hafa verið gefinn út á labelunum á borð við Ramp og PTN.

Við höfum fengið Kára til að gera 14. þáttinn í hlaðvarp seríu DansiDans og hefur hann skilað af sér live setti.

Þú getur náð í syrpuna hér og gerst áskrifandi að hlaðvarpinu okkar hér.

1. Hvernig er syrpan sett saman? Einhverjar pælingar eða þema?
Syrpan er sett saman í Ableton Live. Notast var við bilað hljóðkort og mús, ákjósanlegra væri að nota einhversskonar midi controller og best væri náttúrulega að nota masteraðar dubplates. En nóg um það. Þemað er bara mín eigin lög. Mér þótti töluvert erfitt að setja saman mín eigin lög í eina þétta syrpu og hlusta á þau aftur og aftur en það hafðist og er ég sáttur með niðurstöðuna. Ég notast við heita kvenmannsrödd sem AT&T bjóða uppá og brengla ég hana svo aðeins.

2. Hvað ertu annars að bralla þessa dagana?
Ég er á fullu að klára skólann, fluttur út og fleira gaman. Líka er ég að pródúsera á fullu og bíð spenntur eftir að ég fái frekari fréttir af K2/Kancourde 12″ sem ætti að koma í bráð út hjá Ramp Recordings. Einnig á ég von á remixi fyrir vin minn Benjamin Damage, sem ætti að koma út á breska útgáfufyrirtækinu Get Me, en ekki hef ég ennþá fengið það staðfest. Hægt er að heyra báðar útgáfur í mixinu..

3. Hvernig finnst þér “senan” á Íslandi?
„Senan“ er mjög sterk og er ég mjög glaður með það. Það mætti hinsvegar vera minni hjarðarfílingur í sumum raftónlistarhópum hérna á klakanum. Ekki ætla ég að nefna nein nöfn…

4. Hvað fílarðu?
Ég fíla tónlist, vísindi, mat, list, tjill, æsing og margt fleira sem mér dettur ekki í hug núna. En varðandi tónlist þá fíla ég bara það sem ég fíla, ég fer ekki nánar í það.

5. Linkar / Plögg / Lokaorð?
Njótið vel (svaka snjallt ha?)

Lagalisti:
1. Hypno – …And Therefore
2. Hypno – Calm Before The Storm
3. Hypno – Kancourde (forthcoming Ramp Recordings)
4. Hypno – Gripa Frami
5. Hypno – Zeichen
6. Hypno – K2 (forthcoming Ramp Recordings)
7. Benjamin Damage – Golden Idiot (Hypno remix) (forthcoming Get Me)
8. Hypno – Messed Up
9. Hypno – Jennifer Lopez refix
10. Hypno – Living Saoul (Ay!fix)
11. Hypno – Tonic
12. Hypno – Herbie Hancock refix
13. Hypno – Golden Brown refix
14. Hypno – Yawn
15. Hypno – 3.1nfinity
16. Hypno – Moment Of Unclarity

Auglýsingar

DansiDans Hlaðvarp #13 – Biggipop


DansiDans Hlaðvarp #13 – Biggipop

Birgir Örn, öðru nafni Biggipop, er ungur og fjölhæfur drengur. Hann býr og starfar erlendis og hefur því lítið sést á bak við plötuspilara á knæpum og klúbbum hérlendis. Er það miður. Syrpan sem hér fæst er stórskemmtileg og margslungin. Þannig má heyra allt frá nýrri finnskri tilraunatónlist, til Vindaborgar-húss og æði margt þar á milli. DansiDans kann Birgi miklar þakkir fyrir þetta þrettánda innslag hlaðvarpsins góða. Njótið vel.

Þú getur náð í syrpuna hér og gerst áskrifandi að hlaðvarpinu okkar hér.

1. Hvernig er syrpan sett saman? Einhverjar pælingar eða þema?
Sumt er mixað beint með tveimur plötuspilurum og sampler, annað er klippt til og hrært saman í Logic. Þetta er í fyrsta skipti sem ég set syrpu saman á þennan hátt, mig langaði að eiga meira við lögin en vanalega.

2. Hvað ertu annars að bralla þessa dagana?
Undanfarið hef ég verið að gera tónlist með vini mínum Niko-Matti Ahti undir nafninu Bersabea. Við erum að klára fyrstu lögin okkar núna og ætlum að koma einhverju út á þessu ári eða næsta. Tek stöku dj gigg, en væri alveg til í að gera það oftar. Svo bara skóli og vinna og flutningar og hark!

3. Hvernig finnst þér “senan” á Íslandi?
Ég bara veit það ekki, ég hef ekki verið þar svo mikið síðustu ár. Þessi hlaðvörp á síðunni eru samt frábær.

4. Hvað fílarðu?
Þessi síða er snilld: http://sounds.bl.uk/. Mikið af mjög furðulegu dóti.

5. Linkar / Plögg / Lokaorð?

Já, hvet plötusnúða til að ekki vera ekki hræddir við að mixa lög í
drasl. Þau eru hvort eð er ekki til í tómarúmi. Meiri óreiðu!

www.soundcloud.com/biggipop

Lagalisti:
01. Astral Social Club – Clarion Super-Cortex
02. Tres Demented – Demented (or Just Crazy)
03. Black Dice – Creature
04. The Chaplin Band – Il Veliero
05. Atmosphere – Atmosphere Strut
06. Giorgio Moroder – Utopia (Me Giorgio)
07. Bo Hein & Bo Mein – Master Of The Nine Cities
08. Eric Copeland – Alien In A Garbage Dump
09. Terry Riley – Rainbow In Curved Air
10. ‘Lectric Workers – Robot Is Systematic
11. August Darnell – Friendly Children (Todd Terje edit)
12. Paris Grey – Don’t Make Me Jack
13. Phase II – Reachin’
14. Prefab Sprout – When Love Breaks Down
15. The Paradise – In Love With You
16. Limahl – Neverending Story
17. La Düsseldorf – Rheinita
18. Daniel Maloso – Ritmo Especial
19. Caribou – Odessa
20. Evans Pyramid – Never Gonna Leave you
21. Bumblebee Unlimited – Lady Bug
22. B.W.H. – Livin’ Up
23. Alice Coltrane – Going Home
24. Fricara Pacchu – Swartkrans
25. Mr. Fingers – Stars
26. Neon – Skydiver
27. Kemialliset Ystävät – Riisilla Ja Rusinoilla
28. Kraftwerk – Ananas Symphonie

DansiDans þakkar Sigga kærlega fyrir artworkið fyrir þetta hlaðvarp.

DansiDans Hlaðvarp #12 – Andrés

Mynd fyrir HlaðvarpDansiDans Hlaðvarp #12 – Andrés

Andrés er einn af færustu snúðum okkar Íslendinga, þjóðkunnur reynslubolti sem hefur verið lengi að. Hann hefur í gegnum árin daðrað við ýmis konar grúv, frá house sveiflu í dansrokk og yfir í öllu lounge skotnari tóna. Undanfarið hefur hann skipað dúettinn Már&Nielsen ásamt útvarpsmanninum geðþekka Helga Má og hafa þeir kveikt í dansgólfum um víðan völl.

Í hlaðvarpssyrpu Andrésar gætir ýmissa grasa, byrjað er á draumkenndum kosmískum tónum en síðar er litið við í kraut rokki og elektró geiranum. DansiDans þakkar Andrési kærlega fyrir 12. kaflann í hlaðvarpinu okkar og vonar að lesendur hafi jafn gaman að syrpunni og við umsjónarmennirnir.

Þú getur náð í syrpuna hér og gerst áskrifandi að hlaðvarpinu okkar hér.

1. Hvernig er syrpan sett saman? Einhverjar pælingar eða þema?
Mixað í einni töku í 2x CDJ200 og Rane Rotary Empath, convertað í Apogee Digital PSX-100, tekið upp gegnum Sound Forge.

2. Hvað ertu annars að bralla þessa dagana?
Dagskráin er þétt skipuð og fer að mestu í mína daglegu vinnu og fjölskyldulíf. Svo kemur tónlistin.

Síðustu ár hef ég verið að spila mikið með Helga Má undir nafninu Már&Nielsen. Við höfum verið að halda uppi svona hæfilega kærulausu partýi. Við skemmtum okkur konunglega við það 🙂

Ég spila einnig undir nafninu Andrés, það eru yfirleitt lounge tengdari gig.

3. Hvernig finnst þér “senan” á Íslandi?
Það gerist margt gott en smæðin háir okkur stundum.


4. Hvað fílarðu?
Það breytist dag frá degi. Almennt séð fíla ég þó fjölbreytileika í dj settum. Finnst lögin njóta sín betur ef mixuð eru saman ólík lög, gömul og ný.

5. Linkar / Plögg / Lokaorð?
Már&Nielsen gáfu út Dansa Meira vol.5 í maí. Diskurinn er gefinn á kvöldunum okkar í sumar. Endilega látið mig vita ef ykkur vantar eintak.

Lagalisti:
1. Peak – Along for the ride
2. Oto – Bats
3. Anne Clark – True love tales
4. Severed Heads – Bayer
5. Mark Lane – Sojourn (original)
6. Guyvers Connection – La transformation
7. Neural Circus – Neural circus
8. Visible – TLC
9. Tara Cross – Small talk
10. The Fallout Club – The beat boys
11. Drinking Electricity – Breakout (long version)
12. Kroma – Sexy films (vocal)
13. Severed Heads – Dead eyes opened (long version)
14. Arpanet – Devoid of wires
15. Squadra Blanco – Night of the illuminati
16. Giampiero Boneschi – Saturns ambush
17. Lee Negin – Nothing goes right

DansiDans þakkar Sigga kærlega fyrir artworkið fyrir þetta hlaðvarp.

Dansidans Hlaðvarp#10 – Árni Kristjánsson

DansiDans Hlaðvarp#10 – Árni Kristjánsson

Árni Kristjánsson er fjölbreyttur fýr og hefur komið nálægt hinum ólíkustu geirum raf- og danstónlistar. Undanfarinn misseri hefur hann hins vegar einna helst einbeitt sér að boogie / funk / diskó tónlist 9. áratugs síðustu aldar og getið sér gott orð með mixum, klúbbakvöldum og partíum í þeim gírnum.

Árni er um þessar mundir búsettur í Tokyo þar sem hann akademíserar um danstónlist á daginn en spilar hana af plötum á kvöldin. Það er DansiDans mikill heiður að kynna tíunda hlutann í hlaðvarpi okkar frá Árna Kristjánssyni.

Þú getur náð í syrpuna hér og gerst áskrifandi að hlaðvarpinu okkar hér.

1. Hvernig er syrpan sett saman? Einhverjar pælingar eða þema?
Ekkert þema nema bara níundi áratugurinn og sálarfull músík.  Ólíkt hinum 80s diskó og boogie mixunum mínum hef ég smellt hér inn mínum eigin edit-um og svo er eitt lag frá Japan.

2. Hvað ertu annars að bralla þessa dagana?
Er í námi við Tokyo University of Fine Arts að gera rannsókn á klúbbatónlist hér í landi, þá aðallega dubstep og hvernig sena hefur myndast í kringum tónlistina í Japan.  Í tengslum við það verð ég með málþing í skólanum þann 17. apríl um dubstep senuna hér með gestunum Goth Trad, Cycheouts Ghost og Dj Tuttle en þeir hrintu senunni af stað hérlendis.
Er einnig að undirbúa annað Boogie in Motion kvöld sem verður haldið í lok apríl en það er viðburður sem að ég, DJ Kent úr Force of Nature og Shacho úr pönk-djasssveitinni Soil & „PIMP“ Sessions stofnuðum snemma á síðasta ári.

Síðast en ekki síst erum við í hljómsveitinni The Zuckakis Mondeyano Project að undirbúa 10 ára starfsafmælis-tónleika sem við ætlum að halda í lok september á Íslandi.  Svo er ég stöðugt að versla og leita að plötum.

3. Hvernig finnst þér “senan” á Íslandi?
Þar sem ég er búsettur hinum megin á hnettinum eins og er hef ég lítið getað fylgst með klúbbakvöldum en mér finnst nóg af skemmtilegri músík að birtast og finnst eins og breiddin sé orðin meiri heldur en seinustu ár.  Mjög spennandi tímar framundan.

4. Hvað feelaru?
Akkúrat núna er það hlaðvarpið I Love Movies hans Doug Benson, tónlistarmaðurinn DJ Deeon og sjónvarpsþátturinn 30 Rock.

5. Linkar / Plögg / Lokaorð?
Rímix mitt af lagi Ezequiel Lodeiro „El Latinazo“ er nýkomið út á 10″ á útgáfunni Lovemonk (fæst á Juno /Fat City / Chemical Records og víðar) og kemur út mjög fljótlega sem dánlód.

Við í hljómsveitinni The Zuckakis Mondeyano Project (TZMP) erum svo með nýlegt vídjó við lag okkar Electro Party (In Your Pants) sem má skoða hér.  Svo eru öll þrjú boogie mixin mín reiðubúin til dánlóds á heimasíðunni minni eða í gegnum mæspeisið.

www.arnikristjansson.com
www.myspace.com/arnikristjans
www.myspace.com/tzmp

Lagalisti:
1. Forecast – Don’t Stop
2. Kwick – Night Life
3. Cecil Parker – What It Is (Arni Kristjansson Re-edit)
4. Chic – Soup For One
5. Yamashita Tatsuro – Bomber
6. Locksmith – TMI
7. First Love – Party Lights
8. High Fashion – Feelin’ Lucky Lately
9. Dayton – Meet The Man
10. Blue Magic – Clean Up Your Act (Arni Kristjansson Re-edit)
11. Skipworth & Turner – Street Parade
12. Network – Cover Girl
13. Con Funk Shun – If You’re In Need of Love (Arni Kristjansson
instrumental edit)

DansiDans þakkar Sigga kærlega fyrir artworkið fyrir þetta hlaðvarp.

Syrpu Syrpa #1

Í liðnum „syrpu syrpa“ ætlum við að benda á skemmtileg dj mix sem hafa orðið á vegi okkar á veraldarvefnum síðustu daga. Það er alltaf nóg af skemmtilegum syrpum til þess að hlusta á, satt best að segja er erfitt að komast yfir þetta allt saman en hér er fyrsti skammtur.

Metro Area

Írsku töffararnir hjá Bodytonic eru með tvö skemmtileg mix í podcastinu sínu, alvöru Berlínar techno frá Marcell Dettman og æðislegt diskó grúv hjá Metro Area. Ef þið fílið fyrra mixið er óhætt að mæla með Berghain mix disknum sem Dettmann setti saman fyrr í ár en ef þið dönsuðuð diskó við Metro Area er óhætt að mæla með Fabric disknum þeirra sem var að koma í verslanir.

Snobbararnir og elítistarnir hjá Infinite State Machine settu inn mix frá Chicago búanum m50, kann ekki nánari deili á þeim peyja en góðan smekk hefur hann. Syrpan inniheldur lög frá ekki ómerkari mönnum en Model 500, Theo Parrish og Moodymann. Ekki er svo verra að þarna er einnig laumað inn gömlum smelli frá Exos, áfram Ísland! Tjekkið á þessari syrpu, sem hefur hlotið nafnið „Trying to Stay Hopeful“, hér.

Appleblim

Síðast en alls ekki síst er sett af pirate stöðinni Rinse FM frá Appleblim. Síðasta Rinse FM settið hans var valið mix ársins af FACT magazine, RA podcastið hans í sumar var frábært og Dubstep All Stars diskurinn hans er einn sá besti í seríunni. Einn merkilegasti pródúserinn, plötusnúðurinn og label eigandinn í dubstep senunni með sett sem nær yfir hardcore, dnb, techno og klassíska tónlist. Ekki missa af þessu